Daffo si pallang challa ti gof a shingil
1 min read
mashilim ti saramat ti Daffo
Fyeh ma Daffo mamah mi mamun a ram ma gbwang a Jos, si pallangis Bweh afah mamun Challa tih mah ti madus a Shingil ti Daffo.
Si gof pallangyi ah masubut ti’ fey ma Daffo a ren ti lahdi, mah’wel.
Nnaf Ma findel ti lulyah mah Shingil ti Daffo a ramam mah hwa’ant, Emma Macham, ani shak fyeh ma Daffo mah hwa’ant ka mah va’vat si kof shambarat a Koh afah fut hai tima Shingili ti dusai a ma’mwash.
Macham ani mabwang mah’ masubut, ka naf mah hwa’ant mah Shingil des mih fut hailah basi kul dyam mah chwai fufoh awur.
Ma shohfo yi a lal fyeh ma Daffo bahsi yaas a masubut, afa sapah Shingil mawan a fufor fah shingilash mamah si chu foh.
